सर्वोच्च अदालत चुनाव र होलीको बिदामा पनि बन्दी प्रत्यक्षीकरण रिट सुनुवाइ गर्ने

Prime TV News २ दिन अगाडि

काठमाडौ । सर्वोच्च अदालतले चुनाव र होलीको सार्वजनिक बिदामा पनि बन्दीप्रत्यक्षीकरण रिट सुनुवाइ गर्ने निर्णय गरेको छ।

अदालतले फागुन २० देखि २४ गतेसम्म रिट सुनुवाइका लागि विशेष इजलास तोकेको छ। सर्वोच्च अदालत प्रवक्ता अर्जुन कोइरालाका अनुसार, सुनुवाइका लागि तीन जना न्यायाधीश तोकिएका छन्। फागुन २० गते न्यायाधीश शारंगा सुवेदी, फागुन २२ गते न्यायाधीश महेश शर्मा पौडेल र फागुन २४ गते नारी दिवसका दिन न्यायाधीश मेघराज पोखरेलले रिटमा सुनुवाइ गर्नेछन्।

सुनुवाइ बिहान ११ बजेदेखि अपराह्न ३ बजेसम्म हुनेछ र रिट दर्ता तथा सुनुवाइका लागि अदालत खुला रहनेछ। न्याय प्रशासन ऐन २०७३ को दफा २६ अनुसार, अदालतमा लगातार तीन दिनभन्दा बढी सार्वजनिक बिदा परे पनि विशेष इजलासबाट सुनुवाइ गर्न सकिने व्यवस्था छ। यसले गैरकानुनी थुना वा थुनाको कारण जाँच गरी मुद्दा हेर्न सुनिश्चित गर्दछ।

निर्णयअनुसार, चुनावको समयमा गैरकानुनी रूपमा पक्राउ परेका वा थुनामा राखिएका व्यक्तिले पनि रिहाइका लागि बन्दीप्रत्यक्षीकरण रिट दर्ता गर्न पाउनेछन्।