कुवेतस्थित अमेरिकी दूतावासमा सुरक्षा चिन्ता, नागरिकलाई घरमै बस्न आग्रह

Prime TV News २ दिन अगाडि

काठमाडौ । कुवेतस्थित अमेरिकी दूतावासले मानिसहरूलाई तत्काल दूतावासमा नजान र घरमै सुरक्षित बस्न निर्देशन दिएको छ।

एएफपी र रोयटर्सका रिपोर्ट अनुसार, दूतावास वा वरिपरिको क्षेत्रमा धुवाँ देखिएपछि दूतावासले चेतावनी जारी गरेको हो। दूतावासको वेबसाइटमा प्रकाशित विज्ञप्तिमा भनिएको छ, “दूतावासमा नआउनुहोस्। आफ्नो घरको सबैभन्दा तल्लो तलामा रहनुहोस् र झ्यालबाट टाढा बस्नुहोस्। बाहिर ननिस्कनुहोस्।”

अमेरिकी नागरिकहरूलाई सम्भावित आक्रमणका लागि तयार रहन, सतर्कता अपनाउन र सुरक्षाका योजना बनाउन पनि अनुरोध गरिएको छ। स्थानीय सुरक्षा अधिकारीहरूले घटनास्थलको अवस्था मूल्याङ्कन गरिरहेका छन् र आवश्यक सुरक्षा उपायहरू लागू गरिरहेका छन्।