चितवन–३ अन्तर्गत भरतपुर–१४ स्थित प्रहरी स्कुल मतदान केन्द्रमा मत खसालेपछि सञ्चारकर्मीसँग संक्षिप्त प्रतिक्रिया दिँदै उनले मतदातालाई सही र गलतको आधारमा निर्णय गर्न आग्रह गरे। 'नयाँ र पुराना भन्ने भाष्य देशको हितमा छैन,' उनले भने, 'नयाँ र पुराना होइन, सही र गलत भन्ने भाष्य बनाउनु पर्छ।'

उनले दलहरूको योजना, कार्यक्रम र नीतिको आधारमा मूल्यांकन गर्नुपर्नेमा जोड दिए। कसको नीति राष्ट्र, जनता, लोकतन्त्र र प्रगतिका पक्षमा छ भन्ने कुरा हेरेर मत हाल्नुपर्ने उनको भनाइ थियो।

संयोजक दाहालले सबैलाई विवेक प्रयोग गरी सही पक्षमा उभिन अपिल गर्दै सतही नाराभन्दा नीति र कार्यक्रमको आधारमा निर्णय गर्नु लोकतन्त्रका लागि आवश्यक रहेको बताए।