एमाले अध्यक्ष केपी शर्मा ओलीले गरे मतदान, ओली आज झापा नजाने

Prime TV News एक घण्टा अगाडि

काठमाडौ । नेकपा एमालेका अध्यक्ष केपी शर्मा ओलीले मतदान गरेका छन् ।

भक्तपुरको बालकोटस्थित महेन्द्र शान्ति विद्यालय मतदान केन्द्रबाट ओलीले मतदान गरेका हुन् । झापा निर्वाचन क्षेत्र नम्बर ५ बाट प्रतिनिधिसभा सदस्य उम्मेदवार बनेका ओलीले भक्तपुरबाट मतदान गरेका हुन् । ओली पत्नी राधिका शाक्यसँगै दिउँसो १२ बजेपछि उक्त मतदान केन्द्र पुगेर भोट हालेका हुन् ।

मतदान पश्चात ओली झापा नजाने भएका छन्। आफूले उम्मेदवारी दिएको झापा ५ मा जाने कार्यक्रम ओलीले स्थगित गरेका हुन्। काठमाडौंमा मतदानपछि उनी उम्मेदवारी दिएको झापा ५ जाने र विभिन्न मतदान केन्द्र पुग्ने कार्यक्रम थियो।