सर्वोच्चको आदेशपछि ओली र लेखक रिहा हुने बाटो खुल्यो

Prime TV News एक महिना अगाडि

काठमाडौ । सर्वोच्च अदालतले केपी शर्मा ओली र रमेश लेखकलाई चैत २५ गतेभित्र रिहा गर्न आदेश दिएपछि उनीहरू छुट्ने बाटो खुलेको छ।

सोमबार न्यायाधीश विनोद शर्मा र सुनिल कुमार पोखरेलको इजलासले यस्तो निर्णय गरेको हो। अदालतले भनेको छ—अनुसन्धान सक्न बाँकी भए पनि थुनामै राखेर मात्र गर्नुपर्ने अवस्था छैन।

अदालतले स्पष्ट भन्यो कि पक्राउ प्रक्रिया कानुन अनुसार भए पनि अहिलेको अवस्था हेर्दा थुनामा राखिरहनु उचित छैन। विशेष गरी दुवै नेता पारिवारिक शोकमा रहेको र केपी शर्मा ओली बिरामी भई उपचाररत रहेको कारणलाई गम्भीर रूपमा लिइएको छ ।

उही घटनामा संलग्न छविलाल रिजाललाई पहिले नै हाजिर जमानीमा छाडिएको छ। त्यसैले एउटै मुद्दामा फरक व्यवहार गर्नु अन्याय हुने अदालतको संकेत छ।

प्रहरीलाई मुलुकी फौजदारी कार्यविधि संहिता, २०७४ अनुसार चैत २५ भित्र उनीहरूलाई हाजिर जमानी वा तारिखमा छाड्न भनिएको छ।