नयाँ वर्ष २०८३ सुरु, देशभर हर्षोल्लासका साथ मनाइँदै
Prime TV News ३ हप्ता अगाडि 
काठमाडौ । आजदेखि विक्रम संवत् २०८३ सुरु भएको छ। वैशाख १ गतेका दिन देशभर नयाँ वर्ष उत्साहका साथ मनाइँदैछ। मानिसहरूले एकआपसमा शुभकामना आदानप्रदान गर्दै नयाँ सुरुआतको स्वागत गरेका छन्।
नेपालमा वैशाख १ लाई नयाँ वर्षका रूपमा मनाउने चलन धेरै पुरानो हो। सूर्य मीन राशिबाट मेष राशिमा प्रवेश गर्ने दिन भएकाले आजलाई मेष सङ्क्रान्ति पनि भनिन्छ। यही आधारमा विक्रम संवत् चल्ने भएकाले यसलाई वैज्ञानिक मानिन्छ।
आज बिहानै नुहाउने, घर सफा गर्ने, मन्दिरमा पूजा गर्ने र आफन्त तथा साथीभाइसँग भेटघाट गर्ने चलन छ। धेरैले आजको दिन पुराना गल्ती सम्झेर सुधार गर्ने र नयाँ योजना बनाउने संकल्प लिने गर्छन्।
देशका विभिन्न ठाउँमा विशेष कार्यक्रम भइरहेका छन्। भक्तपुरमा बिस्का जात्रा मनाइँदैछ भने तराई क्षेत्रमा सहलेश फूल फुल्ने भएकाले यसको पनि छुट्टै महत्व छ। विदेशमा रहेका नेपालीहरूले पनि आजको दिनलाई उत्साहका साथ मनाइरहेका छन्।
यस अवसरमा रामचन्द्र पौडेल लगायतका नेताहरूले शुभकामना दिँदै देशको विकास र समृद्धिको कामना गरेका छन्।
