यससँगै हसाका र कामिश्लीजस्ता क्षेत्रमा सरकारी सेना तैनाथ भइसकेका छन्। अल–उमर र कोनिको जस्ता महत्वपूर्ण तेल तथा ग्यास क्षेत्र पनि सरकारको नियन्त्रणमा आएका छन्। यसले सिरियाको अर्थतन्त्र सुधार हुन सक्ने अनुमान गरिएको छ।

टर्कीले सिरियन डेमोक्रेटिक फोर्सेसलाई लामो समयदेखि आतंकवादी संगठन मान्दै आएको छ। त्यसैले अमेरिकी सेना हटेपछि सम्भावित आक्रमणको खतरा बढेपछि उक्त समूह सरकारसँग नजिकिन पुगेको हो।

यसबीच डोनाल्ड ट्रम्प र सिरियाली नेतृत्वबीच भएको उच्चस्तरीय भेटपछि दुई देशबीचको सम्बन्धमा सुधार देखिएको छ। अमेरिकाले सिरियामाथि लगाइएका धेरै प्रतिबन्ध हटाउने संकेत पनि दिएको छ।

अमेरिकी सेना फर्किए पनि सिरिया अझै स्थिर भएको छैन। सुरक्षा चुनौती, शक्ति संघर्ष र क्षेत्रीय तनाव अझै ज्यूँका त्यूँ छन् ।