गत बर्ष पहिरोका कारण ज्यान गुमाएका खेलाडीप्रति श्रद्धाञ्जली
Prime TV News १ हप्ता अगाडि 
काठमाडौ । अखिल नेपाल फुटबल संघ (एन्फा) ले गत बर्ष पहिरोका कारण ज्यान गुमाएका एन्फा सिस्नेरी फुटबल एकेडमीका ६ खेलाडीप्रति श्रद्धाञ्जली अर्पण गरेको छ । आइतबार बार्षिक पुण्यतिथिमा एन्फा कम्प्लेक्समा श्रद्धाञ्जली कार्यक्रमको आयोजना गरिएको हो ।
सभामा निधन भएका खेलाडीहरु सम्मिलित फोटोमा पुष्पाञ्जली अर्पण गरिएको थियो । श्रद्धाञ्जली कार्यक्रममा अध्यक्ष पङ्कजविक्रम नेम्बाङले ज्यान गुमाउने खेलाडीहरुको स्मृतिमा मूर्ति बनाउने काम अन्तिम चरणमा पुगेको बताए ।
२०८१ असोज १२ गते आएको भिषण बाढी र पहिरोका कारण मकवानपुर सिस्नेरीमा रहेको अखिल नेपाल फुटबल संघ (एन्फा) एकेडेमीका ६ खेलाडीले ज्यान गुमाएका थिए । अविरल वर्षाका कारण कुलेखानी ड्याम खोलेपछि सुरक्षित स्थानतर्फ जाने क्रममा पहिरोमा पुरिएर यी खेलाडीको निधन भएको थियो ।
