सुकुम्बासी बस्तीमा रहेका घरपालुवा जनावरको हेरचाह जारी (फोटो फिचर)

Prime TV News १ हप्ता अगाडि

काठमाडौ । सुकुम्बासी बस्तीमा रहेका घरपालुवा जनावरहरूको हेरचाह भइरहेको छ। प्रधानमन्त्री तथा मन्त्रिपरिषद् कार्यालयका अनुसार घरपालुवा कुकुर, गाईलगायत जनावरको संरक्षण तथा स्याहार भइरहेको हो।

जनावरहरूको हेरचाहका लागि स्नेहा केयर र क्याटलगायत संस्थाहरू परिचालन गरिएको छ। ती संस्थाले जनावरलाई खाना खुवाउने, संरक्षण गर्ने र बिरामी परेका जनावरको उपचार गर्ने काम गर्दै आएका छन्।  त्यस्तै घाइते तथा बेवारिसे जनावरहरूको उद्धार र आवश्यक स्वास्थ्य सेवा पनि उपलब्ध गराइएको छ।

यसैबीच, शनिबार र आइतबार काठमाडौँका विभिन्न सुकुमबासी बस्तीमा सरकारले डोजर चलाएर संरचना हटाएको छ। प्रभावित परिवारलाई अस्थायी बसोबास र खानपानको व्यवस्था मिलाइएको सरकारले जनाएको छ।

फोटो स्रोतः– प्रधानमन्त्री सचिवालय