नेपाल–वेस्ट इन्डिज टी-२० शृंखलाः दोस्रो खेल आज, नेपालले शृंखला जित्ने ठूलो अवसर

Prime TV News ६ दिन अगाडि

काठमाडौ । नेपाल र वेस्ट इन्डिजबीच जारी टी-२० शृंखला अन्तर्गत दोस्रो खेल आज नेपाली समयअनुसार सवा ८ बजे शारजाह क्रिकेट रंगशालामा सुरु हुँदैछ।

पहिलो खेलमा नेपालको इतिहास रच्ने जितपछि नेपाली टोली दोस्रो खेलमा पनि विजयी भएर शृंखला आफ्नो पक्षमा पार्ने लक्ष्यमा छ।

पहिलो खेलमा कप्तान रोहित कुमार पौडेलको प्रभावशाली नेतृत्व र दीपेन्द्र सिंह ऐरी लगायतका खेलाडीहरूको उत्कृष्ट प्रदर्शनले नेपाललाई ठूलो जीत दिलाएको थियो।

त्यसैगरी आजको खेलमा पनि सबै खेलाडीहरूले एउटै जोश र आत्मविश्वासका साथ मैदानमा उत्रने अपेक्षा गरिएका छन्।

नेपालले दोस्रो खेल जितेमा एक खेल अगावै तीन खेलको शृंखला आफ्नो पक्षमा पक्का गर्नेछ। वेस्ट इन्डिज टोलीले भने हार पुनः फर्कने योजना बनाउँदै आजको खेलमा सुधारिएको खेल प्रस्तुत गर्ने तयारी गरेको छ।

विभिन्न खेलकुद विश्लेषकहरूका अनुसार, आजको खेल निकै प्रतिस्पर्धात्मक र रोमाञ्चक हुने सम्भावना छ। नेपालले शृंखलाको अन्तिम खेल मंगलबार खेल्नेछ।