पाकिस्तान आउनुअघि अराघचीले भ्लादिमिर पुटिनसँग  सँग भेटवार्ता गरेका थिए। भेटमा क्षेत्रीय सुरक्षा, युद्धको अवस्था र शान्ति प्रयासबारे छलफल भएको बताइएको छ।

रसियाले इरानलाई समर्थन जनाउँदै सैन्य र कूटनीतिक सहकार्य अझ बलियो बनाउने संकेत दिएको छ। यता ह्वाइट हाउसले इरानले पठाएको तीनबुँदे प्रस्तावमाथि छलफल भइरहेको जनाएको छ। प्रस्तावमा होर्मुज जलमार्ग खुला गर्ने, युद्धविराम गर्ने र परमाणु वार्ता अघि बढाउने विषय रहेको बताइएको छ।

ट्रम्प शासनले पनि यसबारे छलफल गरिरहेको जनाइएको छ। पछिल्ला गतिविधिले द्वन्द्व अन्त्यका लागि कूटनीतिक प्रयास तीव्र भएको देखिएको छ।