रोल्पा दुर्घटनाबारे सरकारको ढिलो शोक व्यक्त, छानबिन समिति गठन

Prime TV News ६ दिन अगाडि

काठमाडौ । प्रधानमन्त्री तथा मन्त्रिपरिषद्को कार्यालयले रोल्पाको थवाङ गाउँपालिका–१, सल्यापमा भएको जिप दुर्घटनामा २० जनाको मृत्यु भएको घटनाप्रति दुःख व्यक्त गरेको छ।

सरकारले घटना भएको तीन दिनपछि मात्र शोक विज्ञप्ति जारी गरेको हो। दुर्घटनाको कारण पत्ता लगाउन गृह मन्त्रालयको नेतृत्वमा छानबिन समिति बनाइएको छ।

लुम्बिनी प्रदेश प्रहरी कार्यालयका प्रहरी उपरीक्षकको संयोजकत्वमा चार सदस्यीय समिति गठन गरिएको हो। समितिलाई तीन दिनभित्र प्रतिवेदन बुझाउन भनिएको छ।

सहसचिव हेमराज अर्यालले जारी गरेको विज्ञप्तिमा मृतकप्रति श्रद्धाञ्जली र परिवारप्रति समवेदना व्यक्त गरिएको छ। साथै घाइतेहरूको छिटो स्वास्थ्य लाभको कामना गरिएको छ।