आज काठमाडौमा दिनभर पानी पर्ने सम्भावना
Prime TV News ५ दिन अगाडि 
काठमाडौ । आज आइतबार बिहानैदेखि काठमाडौँ उपत्यकामा वर्षा भइरहेको छ। बिहान करिब ४:४५ बजेदेखि पानी सुरु भएको हो।
मौसमविद्का अनुसार अहिले पनि उपत्यकाका धेरै ठाउँमा हल्का पानी परिरहेको छ। उनले आज दिनभर मौसम खुल्ने सम्भावना कम रहेको बताए।
आज काठमाडौँमा मेघगर्जन र चट्याङसहित मध्यम वर्षा हुन सक्ने बताइएको छ । पानी केही बेर रोकिने र फेरि पर्ने क्रम चलिरहने देखिएको छ।
काठमाडौँ मात्र होइन, देशका अन्य ठाउँमा पनि वर्षा भइरहेको छ।
