शेयर बजार सामान्य रूपमा बढे पनि कारोबार रकम भने घट्यो

Prime TV News ३ दिन अगाडि

काठमाडौ । आज शेयर बजार सामान्य रूपमा बढे पनि कारोबार रकम भने घटेको छ। नेपाल स्टक एक्सचेञ्ज का अनुसार बजार आज ८.७८ अंकले बढेको हो। ०.३२ प्रतिशतले बढेसँगै नेप्से २७१२.८६ अंकमा पुगेको छ।

बजार बढे पनि विकास बैंक, फाइनान्स, होटल, माइक्रोफाइनान्स, निर्जीवन बीमा र ट्रेडिङ समूह भने घटेका छन्। अन्य केही समूहमा भने सामान्य वृद्धि देखिएको छ। आज ३३५ कम्पनीका ७७ लाख ३४ हजार १२ कित्ता सेयर किनबेच हुँदा कुल ३ अर्ब ४३ करोड ९० लाख ६८ हजार रुपैयाँभन्दा बढीको कारोबार भएको छ।

आज सबैभन्दा धेरै नाफा अपर लोहोरे खोला हाइड्रोपावर लिमिटेड का लगानीकर्ताले ११.१६ प्रतिशत कमाएका छन्। त्यस्तै सबैभन्दा धेरै घाटा फरवार्ड माइक्रोफाइनान्स लघुवित्त वित्तीय संस्था का लगानीकर्ताले ९.३१ प्रतिशत व्यहोरेका छन्।

आज सबैभन्दा धेरै कारोबार सोलु हाइड्रोपावर लिमिटेड को भएको छ। उक्त कम्पनीको २३ करोड ५७ लाख रुपैयाँभन्दा बढीको सेयर किनबेच भएको नेप्सेले जनाएको छ। हिजो सोमबार बजार ३४.६३ अंकले घटेको थियो भने कारोबार रकम ४ अर्ब २६ करोड रुपैयाँभन्दा बढी पुगेको थियो।