पूर्णबहादुर खड्काले प्रधानन्यायाधीश नियुक्तिको परम्परा नतोड्न आग्रह गरे

Prime TV News एक दिन अगाडि

काठमाडौ । नेपाली कांग्रेसका निवर्तमान कार्यवाहक सभापति पूर्णबहादुर खड्काले प्रधानन्यायाधीश नियुक्तिको स्थापित परम्परा पालना गर्न सरकारलाई आग्रह गरेका छन्। प्रधानन्यायाधीश नियुक्तिका लागि संवैधानिक परिषद्को बैठक बस्ने तयारी भइरहेकामा उनले सामाजिक सञ्जालमा आफ्नो धारणा सार्वजनिक गरेका हुन्।

खड्काले करिब चार दशकदेखि चल्दै आएको नियुक्ति परम्परा बदलेमा न्यायालयमा अस्थिरता र अनिश्चितता बढ्ने चेतावनी दिएका छन्। उनले भने, “यदि परम्परा तोडियो भने न्यायालयमा डरलाग्दो अस्थिरता आउन सक्छ र यसले हाम्रो लोकतान्त्रिक प्रणालीमा पनि प्रभाव पार्न सक्छ।”

उनले परिषद्का अध्यक्ष र प्रधानमन्त्री बालेन्द्र शाहको ध्यानाकर्षण गराउँदै निर्णय गर्दा स्थापित अभ्यासलाई सम्मान गर्न आग्रह गरेका छन्।