इरानले पाकिस्तानको मध्यस्थतामार्फत अमेरिकालाई आफ्नो जवाफ पठाएको थियो। प्रस्तावमा युद्ध अन्त्य, परमाणु कार्यक्रम, प्रतिबन्ध हटाउने र होर्मुज स्ट्रेटको सुरक्षाजस्ता विषय समावेश रहेको बताइएको छ।

तर ट्रम्पले अमेरिकाले इरानमाथिको दबाब कायम राख्ने र आफ्ना शर्तमा मात्र सम्झौता गर्ने स्पष्ट पारेका छन्। उनको पछिल्लो भनाइपछि अमेरिका र इरान बीच फेरि युद्ध सुरु हुन सक्ने चिन्ता बढेको छ। युद्धविराम जुनसुकै बेला तोडिन सक्ने अनुमान गरिएको छ।

पछिल्लो तनावका कारण विश्व बजारमा तेलको मूल्य प्रभावित भइरहेको छ भने होर्मुज स्ट्रेटको सुरक्षालाई लिएर अन्तर्राष्ट्रिय चासो बढेको छ।