नीति तथा कार्यक्रममाथि आज संसदमा छलफल, अर्थमन्त्री वाग्लेले दिने जवाफ

Prime TV News १४ घण्टा अगाडि

काठमाडौ । सरकारले प्रस्तुत गरेको आर्थिक वर्ष २०८३/८४ को नीति तथा कार्यक्रममाथि आज प्रतिनिधि सभामा छलफल हुने भएको छ । प्रतिनिधि सभाको बैठक बिहान ११ बजेका लागि बोलाइएको संसद सचिवालयले जनाएको छ ।

यसअघि प्रधानमन्त्रीले संसदमा उठेका प्रश्नको जवाफ दिने सम्भावित कार्यसूची सार्वजनिक गरिएको थियो । तर, पछिल्लो परिवर्तनअनुसार अब अर्थमन्त्री डा. स्वर्णिम वाग्लेले सांसदहरूले उठाएका प्रश्नको जवाफ दिने भएका छन् ।

राष्ट्रपति रामचन्द्र पौडेलले वैशाख २८ गते संघीय संसदको संयुक्त बैठकमा आर्थिक वर्ष २०८३/८४ को सरकारको नीति तथा कार्यक्रम प्रस्तुत गरेका थिए । आजको बैठकमा नीति तथा कार्यक्रममाथि छलफल सुरु गरिने, सांसदहरूले दिएका संशोधन प्रस्ताव निर्णयार्थ प्रस्तुत गरिने तथा कार्यक्रम पारित गर्ने तयारी गरिएको संसद सचिवालयले जनाएको छ ।

यसअघि बसेको बैठकमा विभिन्न राजनीतिक दलका नेताहरूले नीति तथा कार्यक्रममाथि आफ्ना धारणा राखेका थिए ।