क्लासिक टेकमा बढ्यो ग्राहकको आकर्षण, दुई महिनामै थपिए ३ हजारभन्दा बढी नयाँ ग्राहक

Prime TV News ४९ मिनेट अगाडि

काठमाडौ । नेपालका इन्टरनेट सेवा प्रदायक कम्पनीहरूमध्ये क्लासिक टेकप्रति ग्राहकको आकर्षण बढ्दै गएको देखिएको छ । नेपाल दूरसञ्चार प्राधिकरणले सार्वजनिक गरेको पछिल्लो तथ्यांकअनुसार कम्पनीले दुई महिनामै ३ हजारभन्दा बढी नयाँ ग्राहक थप्न सफल भएको छ ।

तथ्यांकअनुसार २०८२ सालको फागुन महिनामा क्लासिक टेकका ग्राहक संख्या २ लाख ७९ हजार ८४८ रहेको थियो । यो संख्या चैत्र महिनामा बढेर २ लाख ८३ हजार ३७१ पुगेको छ । यस अवधिमा कम्पनीले ३ हजार ५२३ नयाँ ग्राहक थपेको देखिन्छ ।

नयाँ ग्राहक थप्ने दरमा वर्ल्डलिङ्क पहिलो स्थानमा रहेको छ । वर्ल्डलिङ्कले ५ हजार ३२५ नयाँ ग्राहक थपेको छ । त्यसपछि क्लासिक टेक दोस्रो स्थानमा देखिएको हो ।