लिग–२ को तालिकामा अमेरिका २६ खेलबाट ३६ अंक जोडेर दोस्रो स्थानमा छ भने स्कटल्यान्ड ३० खेलबाट ३८ अंकसहित शीर्ष स्थानमा छ। नेपाल भने २६ खेलमा २० अंक जोडेर आठ राष्ट्र सम्मिलित तालिकाको सातौँ स्थानमा छ। लिग २ का शीर्ष चार टोली सोझै विश्वकप छनोटमा पुग्ने भएकाले नेपालका लागि अबका हरेक खेल ‘गर या मर’ को स्थितिमा छन्। 

एकदिवसीय मान्यता जोगाउन पनि नेपाललाई आगामी खेलहरूमा लगातार राम्रो प्रदर्शन आवश्यक छ। कमजोर प्रदर्शनले नेपाली क्रिकेटलाई ठूलो धक्का पुग्न सक्छ, त्यसैले आजको खेल नेपाली टोलीका लागि केवल प्रतिस्पर्धा मात्र होइन, अस्तित्वको परीक्षा पनि बनेको छ ।