रास्वपा सभापति रवि लामिछाने काठमाडौ जिल्ला अदालतमा तारिख बुझ्न उपस्थित
Prime TV News ६ घण्टा अगाडि 
काठमाडौ । राष्ट्रिय स्वतन्त्र पार्टीका सभापति रवि लामिछाने तारिख बुझ्नका लागि काठमाडौ जिल्ला अदालतमा उपस्थित भएका छन्।
सामान्यतः उनी रुपन्देही जिल्ला अदालतमा उपस्थित हुनुपर्ने भए पनि रुपन्देही अदालतको अनुमति अनुसार काठमाडौमै तारिख बुझ्ने व्यवस्था मिलाइएको हो। अदालत स्रोतका अनुसार विभिन्न जिल्लामा दर्ता भएका मुद्दाहरू विचाराधीन रहेका कारण लामिछाने नियमित कानुनी प्रक्रिया अनुसार तारिखमा उपस्थित हुँदै आएका छन्।
यसअघि पनि उनीविरुद्ध विभिन्न जिल्लामा मुद्दा दर्ता भई कानुनी प्रक्रिया अघि बढिरहेको छ। अदालतले तोकेको शर्तअनुसार उनी आवश्यक परे सम्बन्धित अदालतमा वा अनुमति अनुसार अन्यत्र उपस्थित हुँदै आएका छन्।
हाल विचाराधीन मुद्दाहरूका कारण लामिछाने नियमित रूपमा अदालतको तारिखमा उपस्थित हुने क्रम जारी रहेको बताइएको छ।
