इन्जुरी समयमा क्यानडाको निर्णायक गोल, दक्षिण अफ्रिका विश्वकपबाट बाहिरियो

Prime TV News ३ हप्ता अगाडि

काठमाडौ । फिफा विश्वकप २०२६ अन्तर्गत नकआउट चरणको खेलमा क्यानडाले दक्षिण अफ्रिकामाथि १–० को कठिन जित निकाल्दै ऐतिहासिक रूपमा अन्तिम १६ मा स्थान सुरक्षित गरेको छ ।

निर्धारित समयभर दुवै टोलीबीच कडा प्रतिस्पर्धा भए पनि खेलको निर्णय अन्तिम क्षणमा भएको गोलले गरायो । क्यानडाका लागि इन्जुरी समयमा स्टेफन स्टाक्विवले निर्णायक गोल गर्दै टोलीलाई जित दिलाए ।

खेलभर दक्षिण अफ्रिकाले पनि केही अवसर सिर्जना गरे पनि त्यसलाई गोलमा परिणत गर्न सकेन । यो जितसँगै पहिलो पटक विश्वकपको नकआउट चरण पुगेको क्यानडाले आफ्नो यात्रा अझ अगाडि बढाउँदै राउन्ड अफ १६ मा स्थान बनाएको छ ।

यता, पराजयसँगै दक्षिण अफ्रिकाको विश्वकप यात्रा समाप्त भएको छ । प्रतिस्पर्धात्मक प्रदर्शन गरे पनि निर्णायक क्षणमा गोल जोगाउन नसक्दा दक्षिण अफ्रिका प्रतियोगिताबाट बाहिरिन बाध्य भयो ।