हालान्डको निर्णायक गोलमा नर्वे अन्तिम १६ मा, अब ब्राजिलसँग भिडन्त
Prime TV News २ हप्ता अगाडि 
काठमाडौ । फिफा विश्वकप फुटबल प्रतियोगिता अन्तर्गत आज भएको खेलमा नर्वेले आइभरी कोस्टलाई २–१ गोलअन्तरले पराजित गर्दै अन्तिम १६ मा स्थान सुरक्षित गरेको छ।
अमेरिकाको डालस रङ्गशालामा भएको प्रतिस्पर्धात्मक खेलमा नर्वेले सुरुआती अग्रता बनाएको थियो। खेलको ३९औँ मिनेटमा एन्टोनियो नुसाले गोल गर्दै नर्वेलाई अगाडि बढाए।
दोस्रो हाफमा आइभरी कोस्टले खेलमा पुनरागमन गर्ने प्रयास गर्यो। खेलको ७४औँ मिनेटमा अमाद डियालोले गोल गर्दै खेल १–१ को बराबरीमा ल्याए।
तर खेलको ८६औँ मिनेटमा स्टार फरवार्ड एर्लिङ हालान्डले निर्णायक गोल गर्दै नर्वेलाई २–१ को जित दिलाए। त्यसपछि थप गोल हुन नसक्दा नर्वे विजयी बन्दै अर्को चरणमा पुग्न सफल भयो। यो जितसँगै नर्वेले अब अन्तिम १६ मा बलियो टोली ब्राजिलको सामना गर्नेछ।
