इन्जुरी समयमा रामोस चम्किँदा पोर्चुगल अन्तिम १६ मा, अब स्पेनसँग भिड्ने
Prime TV News २ हप्ता अगाडि 
काठमाडौ । फिफा विश्वकप फुटबल २०२६ अन्तर्गत अन्तिम ३२ को रोमाञ्चक खेलमा पोर्चुगलले क्रोएसियालाई २–१ गोलले पराजित गर्दै अन्तिम १६ मा स्थान सुरक्षित गरेको छ।
क्यानडाको टोरन्टोमा भएको प्रतिस्पर्धात्मक खेलमा इन्जुरी समयको चौथो मिनेटमा गोन्सालो रामोसले गरेको निर्णायक गोलले पोर्चुगललाई अर्को चरणमा पुर्यायो। खेलको अन्तिम समयमा क्रोएसियाले गोल गरे पनि अफसाइड ठहर भएपछि गोलले मान्यता पाएन र त्यसपछि मैदानमा केहीबेर विवादसमेत भएको थियो।
पहिलो हाफ गोलरहित बराबरीमा सकिएको खेलमा दोस्रो हाफमा क्रोएसियाले अग्रता लिएको थियो। खेलको ५३औँ मिनेटमा इभान पेरिसिचले गोल गर्दै टोलीलाई १–० को अग्रता दिलाए।
त्यसपछि ६८औँ मिनेटमा कप्तान क्रिस्टियानो रोनाल्डोले पेनाल्टीमार्फत गोल गर्दै पोर्चुगललाई १–१ को बराबरीमा फर्काए। खेल सकिनुअघि ८१औँ मिनेटमा प्रशिक्षकले रोनाल्डोलाई मैदानबाट बाहिर निकाल्दै युवा खेलाडीलाई अवसर दिएका थिए।
उक्त निर्णयबारे व्यापक चर्चा भए पनि अन्ततः प्रशिक्षकको रणनीति सफल सावित भयो। इन्जुरी समयको चौथो मिनेटमा राफायल लियाओको उत्कृष्ट क्रसमा गोन्सालो रामोसले हेडमार्फत गोल गर्दै पोर्चुगललाई २–१ को रोमाञ्चक जित दिलाए।
यो जितसँगै पोर्चुगल अन्तिम १६ मा पुगेको छ। अब क्वार्टरफाइनल प्रवेशका लागि पोर्चुगलले स्पेनको सामना गर्नेछ।
