ऋषि धमलाले सरकारको सुशासन र भ्रष्टाचारविरोधी अभियान सकारात्मक रहेको टिप्पणी गर्दै सरकारले आफ्नो सय बुँदे प्राथमिकतामध्ये करिब एकतिहाइ काम सम्पन्न गरेको छ भने शिक्षा, स्वास्थ्य, कृषि र पूर्वाधार क्षेत्रमा सुधारका संकेत देखाएको टिप्पणी गरेका छन् ।

कार्यक्रममा दिनेश त्रिपाठीले भने सरकारको कडा आलोचना गरे। उनले वर्तमान सरकार पूर्वप्रधानमन्त्री केपी शर्मा ओलीको कार्यशैलीकै बाटोमा हिँडेको आरोप लगाउँदै समयमै नसच्चिए मुलुकमा अर्को विद्रोह हुन सक्ने चेतावनी दिए।

वरिष्ठ अधिवक्ता गान्धी पण्डितले सुकुम्बासी व्यवस्थापनमा सरकारको कमजोरी देखिएको टिप्पणी गरे। पर्याप्त अध्ययन, अनुसन्धान र वैकल्पिक व्यवस्थाबिना सुकुम्बासी हटाउँदा विवाद उत्पन्न भएको उनको भनाइ थियो। यद्यपि समग्र रूपमा सरकारले सकारात्मक सुरुआत गरेको उनले बताए।