विश्वकपमा अर्जेन्टिनाको अविश्वसनीय पुनरागमन, इजिप्टलाई हराउँदै अन्तिम ८ मा प्रवेश
Prime TV News १ हप्ता अगाडि 
काठमाडौ । फिफा विश्वकप फुटबल २०२६ अन्तर्गत अर्जेन्टिनाले रोमाञ्चक पुनरागमन जित निकाल्दै क्वार्टरफाइनलमा स्थान सुरक्षित गरेको छ।
अमेरिकाको एटलान्टा स्टेडियममा मंगलबार राति भएको अन्तिम–१६ को खेलमा अर्जेन्टिनाले इजिप्टलाई ३–२ गोलले पराजित गरेको हो।
खेलको ७८औँ मिनेटसम्म २–० गोलले पछि परेको अर्जेन्टिनाले त्यसपछि लगातार तीन गोल गर्दै अविश्वसनीय पुनरागमन गरेको थियो। जितसँगै अर्जेन्टिना प्रतियोगिताको अन्तिम ८ मा पुगेको छ।
इजिप्टका लागि यासेर इब्राहिमले १५औँ मिनेटमा पहिलो गोल गरे। त्यसपछि ६७औँ मिनेटमा मोस्ताफा जिकोले गोल थप्दै टोलीलाई २–० को बलियो अग्रता दिलाए।
तर त्यसपछि अर्जेन्टिनाले उत्कृष्ट पुनरागमन गर्यो। ७९औँ मिनेटमा क्रिस्टियन रोमेरोले गोल गर्दै टोलीलाई खेलमा फर्काए। त्यसपछि ८३औँ मिनेटमा कप्तान लियोनल मेसीले बराबरी गोल गरे। इन्जुरी समयको दोस्रो मिनेटमा एन्जो फर्नान्डेजले निर्णायक गोल गर्दै अर्जेन्टिनालाई ३–२ को रोमाञ्चक जित दिलाए।
खेलको अन्तिम समयमा लगातार दुई गोल खाएपछि इजिप्ट प्रतियोगिताबाट बाहिरिएको छ भने अर्जेन्टिना उपाधितर्फको यात्रा जारी राख्न सफल भएको छ।
