सप्तरीको राजविराज कारागारमा विवाद हुदाँ पाँचजना कैदीबन्दीले गरे आत्मदाहको प्रयास

Prime TV News ३ दिन अगाडि

सप्तरी । सप्तरीको राजविराज कारागारमा विवाद हुदाँ पाँचजना कैदीबन्दीले मट्टितेल छेर्केर आत्मदाहको प्रयास गरेका छन् ।

कारागारका रुपक मण्डलका अनुसार दुई/तीन दिनदेखि कैदीबन्दीहरूको आन्तिरक विवाद भइरहेको थियो । सोही विषयमा असन्तुष्ट पक्षले आत्मदाहको प्रयास गरेको उनले जानकारी दिए ।

आत्मदाहको प्रयास भएको तर च्याम्बरमै चिकित्सक टोली र एम्बुलेन्स भएको हुनाले कुनै क्षति नभएको उनको दाबी छ । विवाद समाधानको प्रयास भै रहेपनि कुन विषयमा किन विवाद भएको उनले खुलेको छैन । 

सप्तरीका प्रमुख जिल्ला अधिकारी श्यामकृष्ण थापाले चौकिदारलाई समान्य कुटपिट गर्दा विवाद भएको जानकारी दिए । कैदीलाई समझाईबुझाई गर्दा अहिले अवस्था नियन्त्रणमा रहेको उनले बताए ।

सबैसँग सम्मान व्यवहार हुनुपर्ने कैदीबन्दीको माग रहेको उनले बताए । प्रहरीभित्र जान खोज्दा आत्मदाहको प्रयास गरेको उनको भनाइ छ ।