लगातार दोस्रो पटक एमबाप्पे बने गोल्डेन बुट विजेता, स्पेनका खेलाडीको व्यक्तिगत अवार्डमा वर्चस्व
Prime TV News एक दिन अगाडि 
काठमाडौ । फिफा विश्वकप २०२६ को फाइनलमा अर्जेन्टिनाका कप्तान लियोनेल मेसी गोल गर्न असफल भएपछि फ्रान्सका स्टार फरवार्ड किलियन एमबाप्पे लगातार दोस्रो पटक प्रतियोगिताको सर्वाधिक गोलकर्ताका रूपमा ‘गोल्डेन बुट’ जित्न सफल भएका छन्।
यद्यपि फ्रान्स तेस्रो स्थानको खेलमा इङ्गल्यान्डसँग ६–४ ले पराजित भयो, उक्त खेलमा एमबाप्पेले दुई गोल गर्दै प्रतियोगितामा आफ्नो कुल गोल संख्या १० पुर्याएका थिए। त्यससँगै उनले मेसी (८ गोल), अर्लिङ हालान्ड र जुड बेलिङ्घम (७–७ गोल) तथा ह्यारी केन र ओसमाने डेम्बेले (६–६ गोल)लाई पछि पार्दै सर्वाधिक गोलकर्ताको अवार्ड जिते।
एमबाप्पे विश्वकप इतिहासमा लगातार दुई फरक संस्करणमा गोल्डेन बुट जित्ने पहिलो खेलाडी बनेका छन्। यसअघि उनले सन् २०२२ को विश्वकपमा पनि सर्वाधिक गोल गर्दै यो अवार्ड आफ्नो नाममा पारेका थिए।
जारी प्रतियोगितामा उनले समूह चरणदेखि नै उत्कृष्ट लय कायम राखेका थिए। सेनेगल र इराकविरुद्ध दुई–दुई गोल गरेका उनले नकआउट चरणमा स्विडेन, पाराग्वे र मोरक्कोविरुद्ध पनि गोल गरेका थिए। तेस्रो स्थानको खेलमा इङ्गल्यान्डविरुद्ध दुई गोल थप्दै उनले आफ्नो गोल संख्या दोहोरो अंकमा पुर्याएका हुन्।
स्पेनको ऐतिहासिक सफलता, व्यक्तिगत अवार्डमा पनि दबदबा
विश्वकपको फाइनलमा स्पेनले अतिरिक्त समयमा अर्जेन्टिनालाई १–० ले हराउँदै १६ वर्षपछि दोस्रो पटक विश्व च्याम्पियन बन्न सफल भयो। स्पेनका लागि अतिरिक्त समयको १०६औँ मिनेटमा फेरान टोरेसले निर्णायक गोल गरेका थिए।
उपाधिसँगै व्यक्तिगत अवार्डमा पनि स्पेनका खेलाडीहरूको वर्चस्व रह्यो। मिडफिल्डर रोड्री प्रतियोगिताको सर्वोत्कृष्ट खेलाडी घोषित हुँदै ‘गोल्डेन बल’ जित्न सफल भए।
स्पेनका युवा डिफेन्डर पाउ कुबार्सी उत्कृष्ट युवा खेलाडी घोषित भए भने गोलकिपर उनाई सिमोनले ‘गोल्डेन ग्लोभ्स’ अवार्ड जिते। सिमोनले प्रतियोगिताभर सात खेलमा केवल एक गोल मात्र बेहोरेका थिए, जसका कारण उनी उत्कृष्ट गोलरक्षक घोषित भएका हुन्।
यसरी स्पेनले विश्वकपको उपाधिसँगै अधिकांश व्यक्तिगत अवार्ड पनि आफ्नो पक्षमा पार्दै प्रतियोगितामा पूर्ण प्रभुत्व कायम गर्यो।
