भारतमा विद्यार्थी आन्दोलन चर्कियो, शिक्षा मन्त्रीको राजीनामा माग्दै प्रदर्शन

Prime TV News एक महिना अगाडि

काठमाडौ । भारतीय राजधानी नयाँ दिल्लीमा शिक्षा मन्त्री धर्मेन्द्र प्रधानको राजीनामा माग्दै विद्यार्थीहरूले प्रदर्शन गरेका छन्।

प्रदर्शनका क्रममा प्रहरी र आन्दोलनकारीबीच झडप हुँदा तनावको स्थिति सिर्जना भएको बताइएको छ। प्रदर्शनमा सहभागी विद्यार्थीहरूले विभिन्न प्रतिस्पर्धात्मक प्रवेश परीक्षामा भएको भनिएको अनियमितताको निष्पक्ष छानबिन, शिक्षा मन्त्रीको राजीनामा तथा विद्यार्थी हितका अन्य माग पूरा गर्नुपर्ने बताएका छन्।

प्रदर्शन नियन्त्रणका लागि प्रहरीले बल प्रयोग गरेको र केही प्रदर्शनकारी घाइते भएको दाबी गरिएको छ। यद्यपि, घाइतेको संख्या र घटनाका अन्य विवरण सम्बन्धित निकायबाट आधिकारिक रूपमा पुष्टि भएका छैनन्।

यसबीच विपक्षी दलका नेताहरूले पनि आन्दोलनप्रति समर्थन जनाउँदै सरकारसँग विद्यार्थीका माग सम्बोधन गर्न आग्रह गरेका छन्। सरकार र आन्दोलनकारीबीच भएको वार्ता भने निष्कर्षमा पुग्न सकेको छैन।

प्रहरीले प्रदर्शनका क्रममा भएका केही घटनाबारे अनुसन्धान अघि बढाएको जनाएको छ। आन्दोलनरत विद्यार्थीहरूले भने आफ्ना माग पूरा नभएसम्म प्रदर्शन जारी रहने चेतावनी दिएका छन्।