सुन तथा चाँदी दुवैको मूल्य उल्लेख्य रूपमा घट्यो

Prime TV News ४ दिन अगाडि

काठमाडौ । नेपाली सुनचाँदी व्यवसायी महासंघका अनुसार आज नेपाली बजारमा सुन तथा चाँदी दुवैको मूल्य उल्लेख्य रूपमा घटेको छ।

महासंघले आज छापावाल सुनको मूल्य प्रतितोला २ लाख ८४ हजार २०० निर्धारण गरेको छ। अघिल्लो कारोबार दिन प्रतितोला २ लाख ८८ हजार ५०० रहेको सुनको मूल्य आज  ४ हजार ३०० ले घटेको हो।

यसैगरी, १० ग्राम सुनको मूल्य २ लाख ४३ हजार ६५५ कायम गरिएको छ। यता, चाँदीको मूल्य पनि घटेको महासंघले जनाएको छ। अघिल्लो दिन प्रतितोला ४ हजार ४४५ रहेको चाँदी आज ४ हजार ३१० मा कारोबार भइरहेको छ।

यसअनुसार चाँदीको मूल्य प्रतितोला  १३५ ले घटेको हो। १० ग्राम चाँदीको मूल्य ३ हजार ६९५ तोकिएको महासंघले जनाएको छ।