अर्थमन्त्री वाग्लेले आज नेपाल राष्ट्र बैंकका कार्यकारी निर्देशकसँग छलफल गर्ने

Prime TV News ५२ मिनेट अगाडि

काठमाडौ । अर्थमन्त्री डा. स्वर्णिम वाग्लेले आज नेपाल राष्ट्र बैंकका सम्पूर्ण कार्यकारी निर्देशकसँग छलफल गर्ने भएका छन्  ।

देशको वर्तमान वित्तीय अवस्था, आर्थिक समस्या र तिनका समाधानका उपायबारे समीक्षा गर्न बैठक बस्न लागेको हो । बिहान ९ः१५ बजे अर्थ मन्त्रालयको सुवर्ण हलमा सुरु हुने बैठकमा बैंकका गभर्नर र डेपुटी गभर्नरहरूसँगको नियमित भेटघाट र समन्वय भन्दा अलग हुने छ ।

पहिलो पटक देशको वित्तीय नाडी छाम्न सक्ने कार्यकारी निर्देशकहरूसँग प्रत्यक्ष संवाद हुन लागेको हो । देशको समष्टिगत आर्थिक तथा वित्तीय स्थितिको गहिराइ बुझ्ने र उपलब्ध मौद्रिक उपकरणहरूको प्रभावकारी कार्यान्वयनमार्फत अर्थतन्त्रका समस्या पहिल्याई ठोस समाधानका उपायहरू निकाल्नु यस छलफलको मुख्य उद्देश्य रहेको छ ।