भोटेकोशी बाढीबाट भएको क्षति, खोजी राहत र पुनःस्थापनाका विषयमा छलफल गर्न आज सर्वदलीय बैठक
Prime TV News २ हप्ता अगाडि 
काठमाडौ । भोटेकोशी बाढीबाट भएको क्षति, खोजी तथा उद्धार, राहत र पुनःस्थापनाका विषयमा छलफल गर्न आज सर्वदलीय बैठक बस्दैछ।
राष्ट्रिय स्वतन्त्र पार्टीका प्रवक्ता जगदीश खरेलका अनुसार बैठक आज दिउँसो २ः०० बजे सिंहदरबारस्थित रास्वपा संसदीय दलको कार्यालयमा बस्नेछ।
बैठकमा भोटेकोशी बाढीबाट भएको क्षतिको अवस्था, बेपत्ताको खोजी, प्रभावितको उद्धार, राहत वितरण तथा पुनःस्थापनाका विषयमा छलफल हुने जनाइएको छ।
यसअघि पनि रास्वपाको आह्वानमा रसुवाको बाढीबारे भदौ ११ गते सर्वदलीय बैठक बसेको थियो।
