युरोपा लिगमा युभेन्टसको शानदार सुरुवात, निजमेगेनमाथि ५–० को जित
Prime TV News एक घण्टा अगाडि 
काठमाडौ । इटालियन क्लब युभेन्टसले यूईएफए युरोपा लिगमा विजयी सुरुवात गरेको छ।
बिहीबार राति एलियान्ज रंगशालामा भएको खेलमा युभेन्टसले डच क्लब एनईसी निजमेगेनलाई ५–० को फराकिलो अन्तरले पराजित गर्यो। घरेलु मैदानमा सुरुदेखि नै आक्रामक देखिएको युभेन्टसले खेलको नवौँ मिनेटमै निकोलस गोन्जालेजको गोलबाट अग्रता बनाएको थियो।
२४औँ मिनेटमा केरिम अलाजबेगोभिचले गोल गर्दै घरेलु टोलीको अग्रता २–० मा पुर्याए। युभेन्टसले पहिलो हाफमै तेस्रो गोल थप्यो। ३५औँ मिनेटमा निक वोल्टमेडले पेनाल्टीमार्फत गोल गर्दै टोलीलाई ३–० को अग्रता दिलाए।
दोस्रो हाफमा पनि युभेन्टसको दबाब कायम रह्यो। खेलको ७५औँ मिनेटमा जेकी सेलिकले गोल गरेपछि घरेलु टोली ४–० ले अघि बढ्यो। त्यसको सात मिनेटपछि रान्डल कोलो मुआनीले युभेन्टसका लागि पाँचौँ गोल गरे। त्यसपछि थप गोल हुन नसक्दा युभेन्टसले ५–० को प्रभावशाली जितसहित युरोपा लिग अभियानको सुरुवात गर्यो।
यस जितसँगै युभेन्टसले प्रतियोगितामा आफ्नो बलियो उपस्थिति देखाएको छ भने निजमेगेनले भने पहिलो खेलमै फराकिलो हार बेहोरेको छ।
